Sommarljom

Sjekk ut Spotify-lista vår med låtar frå årets Sommarljom-artistar! 

Skroll nedover for å lese meir om årets musikarar.

Sondre Lerche

Laurdag 3. August
Ytre-Hovden 

Sondre Lerche har sidan 2001 vore ein av landets mest framgangsrike og allsidige artistar og låtskrivarar. Hans debutalbum "Faces Down" mottok Spellemannprisen for Årets Nykommar i 2002, og blei i tillegg kåra til eit av årets beste utgjevingar av amerikanske Rolling Stone Magazine. Lerche har sidan dette turnert utstrakt i heile verda og sœrleg USA, der han budde frå 2005 til 2020. Han har opptredd på David Lettermans Late Night show to gongar, og har i tillegg til 10 studioalbum og utallige EPar komponert filmmusikk den amerikanske storfilmen Dan In Real Life, samt Sundance-indiefilmen The Sleepwalker. I 2018 skreiv og produserte han også songar for Fantorangen. 
Lerche sleppte nyleg «Avatars Of The Night» som inneheld remixar, tolkingar og samarbeid med andre artistar som Lindstrøm,William Basinski, Kringkastingsorkesteret, Daniela Reyes og Maria Kannegaard Trio, i tillegg til eit par nye låtar og ein Lillebjørn Nilsen-cover. I haust kom også albumet Understudy med tolkingar av det siste tiårets største hits, deriblant songar av Taylor Swift, Ariana Grande, Drake og Bob Dylan.

Foto: Johanna Siring

Pom Poko

Fredag 2. August
Ytre-Hovden

Spellemann-nominasjonar, Gramart-stipend, nominasjonar til Bendiksenprisen, Edvard-prisen og Nordic Music Prize, utselde konsertar rundt om i Europa, spelelistingar på radiokanalar som BBC6, Triple J og flere, og ikkje minst: ei fantastisk mottaking av debutalbumet Birthday som mellom anna vart kåra til "Årets beste norske album" i Aftenposten. Pom Poko har i tillegg til å markere seg med sine utgjevingar også gjort seg godt bemerka som eit av Noregs mest unike liveband.  

Foto: Jenny Berger Myhre

Harald Lassen

Laurdag 3. August
Ytre-Hovden 

Multiinstrumentalist Harald Lassen er ein av profilane i norsk no-jazz og har verkeleg fått fotfeste med sine to siste bejubla album og ikkje minst liveopptrednar. «Haralds musikk er jazz, men jazz med en annen form og farge. Musikk som bare kan komme fra et fritt og åpent sinn», skreiv internasjonal musikkpresse då det Spellemannsnominerte albumet Human Samling kom i 2020. No er han tilbake med eit nyoppussa band og det Spellemannsnominerte albumet Balans der vi møter ein improvisatør og låtsnekkar som inviterer lyttarar og medmusikantar til å romstere i det han har skapt, og ein kunstnar som har forstått at den einaste gyldige smaken er den personlege. Saman med ein herleg og djupt sjelfull gjeng sentrerer Lassen musikken rundt sine medrivande låtar og tek lyttaren med på forløysande eventyr. Jorda og atmosfærisk på ein gong. Stort alvor og lure smil! Utover sine røter i norsk jazz kjenner vi også Harald Lassen frå samarbeid med Sondre Lerche, No. 4 og Susanna Wallumrød, blant mange mange andre. Med seg har han musikarar som set sitt preg på artistar som Fieh, Daniella Reyes. 

Harald Lassen – saxofon, fløyte, piano

Solveig Wang – synth

Sander Eriksen Nordahl – gitar

Stian Andersen – elbass

Tore Flatjord – trommer

Foto: Gedvile Tamosiunaite

Duo Lada (18+)

Fredag 2. August

Klubb Sommarljom i naustet

Duo Lada børstar klar platene til ein heit klubbkveld i naustet.
Musikken dei lagar sjølve er inspirert av oppveksten i Volda, men har ein kjend by-sound; skjeggdisco med røter frå Tigerstaden. På settet i naustet kan du forvente diverse snop frå house og tekno-verda, då dei har ei samling utan sidestykkje. Dette blir ein dans på roser!

Jeki (18+)

Fredag 2. August

Klubb Sommarljom i naustet

Jekeziahrem Acuna Villanueva, også kjent som Jeki, er ein ny R&B/Soul-artist med røter fra Filippinene og ei lidenskap for musikk som strekk seg tilbake til barndommen. Etter å ha flytta til Norge i ung alder, har ho brukt store delar av sitt liv til å utforske og utvikle sitt musikalske talent. Inspirert av kulturelle påverknadar frå hennar oppvekst og omgivningar, finn Jeki stadig ny inspirasjon til sitt kunstneriske uttrykk. Hennar debutsingel «Recreate» vart gjeven ut tidleg i februar, og ho har planar om å dele meir av hennar musikk med verda i løpet av 2024.