Ein stad i skjæringspunktet mellom indie, folk og soul finn du Beharie. Røysta hans er rik, kraftig og rå i si formidling – kvalitetar som støttar opp under den stadig meir personlege låtskrivinga, som når nye høgder på Beharies andrealbum When The Silence Gets Too Loud.
Som liveartist har Beharie raskt etablert seg blant Noregs aller fremste namn, med evna til å skape magiske augneblikk uansett arena med unik tilstadevering. Han har spelt for fulle hus på alt frå intime klubbscener til hovudscena på Øyafestivalen og utselt Rockefeller. Samarbeid med anerkjente aktørar som Stavanger Symfoniorkester og Kringkastingsorkesteret (KORK) understrekar hans musikalske spennvidde, og evna til å løfte låtane hans til nye høgder. Ein eigen headlinerturné gjennom Europa og opptredenar på internasjonale prestisjefestivalar som Montreux Jazz Festival (Sveits), Storsjöyran (Sverige), Eurosonic (Nederland) og Reeperbahn Festival (Tyskland) visar tydeleg at han allereie har etablert seg som internasjonalt namn.
Karriera hans så langt vitnar om både ein artist i stadig utvikling og ein som allereie har sett tydelege spor etter seg: Ein Spellemannspris i kategorien RnB/Soul i 2022 for EP-en Beharie // Beharie, nominasjoner i same kategori i 2023 for Beharie, the Third og i 2024 for det kritikarroste debutalbumet Are You There, Boy?
