Sommarljom

Nothing Personal 

Ytre-Hovden torsdag 27.07

Nothing Personal er eit kollasjprosjekt beståande av Dorothea Økland, Thea Emilie Wang og Solveig Wang. Bandet omfamnar eksperimentelle poplåtar, frie improvisasjonstrekk og field recordings, og musikken kan skildrast som eksperimentell pop med element frå jazz, R&B og elektroakustisk musikk. Etter at dei i fjor slapp debutsingelen One Second, kalla Audin Vinger bandet for “en veiviser til framtiden for norsk musikk”.  Nothing Personal miksar ukonvensjonelle element og serverer lyttarane ein live lydkollasjon som vert til i noet. Tilnærminga til musikken er som i ein forskarlab der dei tre musikarane undersøker lydar, låtar og effektar. Nothing Personal tek lyttaren med i utforskinga av kva som er personleg i musikken. Er det teksta til ei poplåt, ein field recording av ei grandtante som syng, eller ein sungen melodi med autotune? Konsertopplevinga er akkopagnert av Tobias Guldbrandsen sine visuals som gir musikken og lyttaropplevinga ein eigen dimensjon.

Nothing Personal blandar synth-støy, stramme vokalharmoniar og glidande beats. Solveig Wang,Dorothea Økland og Thea Emilie Wang utforskar dee vage romma mellom det analoge og digitale, og dekonstruerer låtskriving. Du kan vente deg sprudlande synthlydar i konkurranse med luftig klarinett, flyktig perk, krydra med fengjande melodilinjer.

Foto: Jonathan Vivaas Kise

Skarbø Skulekorps

Ytre-Hovden torsdag 27.07

Øyvind Skarbø er ein trommeslagar og komponist frå Stranda som i 2019 fekk i oppdrag å lage eit tingingsverk til Nattjazz i Bergen. I dette høvet sette han saman eit heilt nytt band under namnet Skarbø Skulekorps der medlemma kledde seg opp i skulekorpsuniformar kjøpt på Finn.no. 

Her er alle spor etter sousa-marsjar og sur treblås reinska vekk. Med eit toppa lag sett saman av nokre av landets mest spanande musikarar får vi servert muskk og korps-estetikk i skjønn foreining. Fengjande og forutsigbart på same tid, med referansar til så mange sjangrar at det ikkje gir noko meining å prøve å kategorisere. Afrobeat med techno-bass? Samtidsmuskk for steel-gitar og banjo? 60-tals jazz med 80-tals synth? Skarbø Skulekorps er korpsmusikk slik du aldri har høyrt det før! 

Erik Johannessen: trombone, elektronikk // Stian Omenås: trompet, perk, synth // Mari Kvien Brunvoll: vokal, elektronikk // Ivar Grydeland: gitar, pedal steel // Chris Holm: bass, synth // Øyvind Skarbø: trommer // Eirik Hegdal // Hans-Olav Molde: lyd

Foto: Jonas Boström

Thea Wang

Bugafjøra torsdag 27.07

I fjor haust ga thea wang ut debutalbumet sitt “While He Is Still Asleep” samtidig som ho var opener for AURORA på hennar europaturné, og i 2023 også support for delar av verdsturnéen hennar. Musikken til thea wang har fått strålande mottaking frå mellom anna BT, VG, P3, P6beat i Danmark, Aftonbladet og P3 i sverige og andre internasjonalle bloggar. Med ein vekselvis styrke og sårbarheit syng ho om å vekse opp - å gje slepp på den ein var, i møte med den ein er i ferd med å bli. Her møtast moderne pop-sensibilitet og singer-songwriter-tradisjon i eit rørande knutepunkt, med eit intimt og analogt lydbilete “forsterket ganer ti av wangs usedvanlige stemme” - BT mars 2022. Med mellom anna rotasjon på DR P6 beat i Danmark og P3 i Noreg er ho spådd ei lys framtid. “Tell Me About It” var første låt ut frå debutalbumet og er ein unikt sjølvsikker og kraftfull låt. Du får høyre meir til the wang på hovudscena i Ytre-Hovden torsdagskvelden då ho også er med i Nothing Personal!

Foto: Louise Hvas

Selma French

Ytre-Hovden fredag 28.07

I august i fjor kom Selma French ut med sitt debutalbum «Changes Like the Weather in the Mountain» til strålande kritikkar. Albumet gir venlege nikk til den britiske folk-rørsla, men vitnar framfor alt om ei sterk stemme, så inni hampen seg sjølv, med unådige observasjonar av samtida. Utanom soloprosjektet har Selma French lenge vore synleg på norske konsertscener, då som vokalist og felespelar i Masåva og Morgonrode. I tillegg er ho å sjå som musikar i band som Frøkedal & Familien og som feature i The Switch. 

Musikken visar hennar beundring for norsk og engelsk folkemusikk, med ein ny bodskap pakka inn i wurlitzer, hardingfeler og nokon high pitched koringar. Musikken beveger seg frå opne landskap som store fjell, til gøymde rom med hjarteskjerande skildringar om det enkle og såre. I bandet finn vi nokre av landets fremste improvisatørar og deira lydhøyre nærvere i musikken er ein essensiell bit av live-opplevinga. Christian Winther speler elgitar, Andreas Winther speler trommer, Erik Sollid speler hardingfele og korar, og Anne Ueland speler synth og korar. 

Det siste året har Selma French og bandet spelt på mellom anna Øyafestivalen, Trænafestivalen, Moldejazz, By:Larm, Loaded, SPOT festivalen, og i juli kjem har du altså  sjansen til å oppleve dei i Ørsta! 

Foto: Eirik Havnes

Lyriaka 

Gratis workshop for born onsdag 26. juli i Ivar Aasen-tunet kl 14.00 - 16.00

Gratis borne- og familie-konsert torsdag 27. juli kl 12.00 i Ivar Aasen-tunet

Torsdag 27. juli vert det borne- og familie-konsert med Lyriaka! Dagen før, den 26. juli vert det ein skrive-workshop der born får møte Lyriaka og skrive tekstar som vert tonesett og framført på konserten dagen etter! Stad og nøyaktig tidspunkt vert annonsert. Korleis vert songar når det er born som har skrive teksten? Handlar dei berre om godteri og sjokolade? Dei tre musikarane i Lyriaka reisar mykje rundt på skular og barnehagar. Der finn dei dikt og rare tankar som dei set musikk til, og så vert det fine songar. det er Jon Arne Bjørnstad (gitar og vokal), Øyvind Fosgaard (keys) og Øyvind Gravdal (sax/fl) som utgjer trioen Lyriaka og trioen Mikkel og reverockerne. Gitar har dei med, keyboard, saksofon og fløyte, og i tillegg syng dei det finaste og morsomste dei kan. Lyriaka har gitt ut sju plater, og har vore nominert til fleire Spellemannsprisar, der dei også vann i kategorien beste barneplate i 1997 med “Livet i Lyriaka”!